Feelings » Ghazals

Intezaar Bhi Nahi Karta….

aaftaab — Fri, 14 Nov 2008 07:01:48 +0000

Wo pyar bhi karta hai aur izhaar bhi nahi karta
jo pooch le koi us se tou iqraar bhi nahi karta
woh aisa sang dil hai ke mujhe dekhne ki duaein maange,
jab samne aajaon tou deedar bhi nahi karta
agar us se door jaoon main tou saans us ki ruk jaaye
aur koi maang le mujhe us se tou inkaar bhi nahi karta
apne qareeb aane se rook deta hai mujh ko
aur raah mein hayeel koi dewaar bhi nhi karta
mere dil ke darwaze par dastak bhi deta hai woh
aur darwaza khul jaane ka intezaar bhi nahi karta

Tum Haqeeqat Ho..Koi Khwaab Nahi

aaftaab — Thu, 20 Sep 2007 16:19:40 +0000

Usne kaha..tum mei pehli si baat nahi
maine kaha …zindagi mei tera sath nahi
usne kaha… ab bhi kisi ki ankhon main doob jate ho?
maine kaha…ab kisi ki ankh main woh gehraii nahi
us ne kaha…kyun itna toot kar cahaha mujhe
maine kaha….insaan hoon patthar tou nahi
us ne kaha…kia main bewafa hoon?
maine kaha…mujhe ab wafa ki talaash hi nahi
us ne kaha…bhool jaoge mujh ko?
maine kaha…tum haqiqat ho, koi khwaab nahi

Khinchta hai mujhpe pehla tiir kaun….

aaftaab — Mon, 30 Jul 2007 10:53:01 +0000

Paa-ba-gil sab hain rihaai ki kare tadabiir kaun
Dast-bastaa shehar mei khole merii zanjiir kaun

Mera sar haazir hai lekin mera munsif dekh le
Kar raha hai mere fard-e-jurm ki tahariir kaun

Aaj darvaazon pe dastak jaani pehchaanii si hai
Aaj mere naam laata hai merii taaziir kaun

Niind jab khwaabon se pyaari ho to aise ahad mei
Khvaab dekhe kaun aur khvaabon ko de taabiir kaun

Ret abhi pichhale makaanon kii naa vaapas aayi thi
Phir lab-e-sahil gharoundaa kar gayaa taamir kaun

Saare rishte hijraton mei saath dete hai toh phir
Shaher se jaate hue hota hai daamaan-gir kaun

Meri chaadar toh chiini thi shaam ki tanhaai ne
Be-iraadaai ko meri phir de gayaa tashahiir kaun

Vaapasi us gali se mushkil hai….

aaftaab — Mon, 30 Jul 2007 10:47:52 +0000

Aashiqii be-diili se mushkil hai
Phir muhabbat usii se mushkil hai

Ishq aagaaz hi se mushkil hai
Sabr karna abhi se mushkil hai

Ham?? Aasaan hai , aur hamaare liye
Dushmaani dostii se mushkil hai

Jis ko sab bewafaa samajhte ho
Bewafaai usi se mushkil hai

Ek do duusare se sahel naa jaan
Har koii har kisii se mushkil hai

Tuu baazid hai toh jaa magar
Vaapaasi us gali se mushkil hai’

Dard ki hadh se guzarnaa toh abhi baaqii hai….

aaftaab — Wed, 25 Jul 2007 14:32:07 +0000

Dard ki hadh se guzarnaa to abhi baaqii hai
TuuT kar mera bikharana to abhi baaqii hai

paas aake meraa dukh-dard baaTanevaale
mujhse kataraa ke guzaranaa to abhi baaqii hai

chand sheron me.i kahaaN Dhalatii hai ehasaas kii aag
Gam kaa ye rang nikharanaa to abhi baaqii hai

rang-e-rusvaaii sahi shahar ki diivaaro.n par
naam Hamaraa ubharanaa to abhii baaqii hai

Dard apnaata hai paraaye kaun….

aaftaab — Wed, 25 Jul 2007 14:27:15 +0000

Dard apanaataa hai paraaye kaun
kaun sunataa hai aur sunaaye kaun

kaun doharaaye vo puraanii baat
Gam abhii soyaa hai jagaaye kaun

vo jo apne hai kyaa vo apne hai.n
kaun dukh jhele , aazamaaye kaun

ab sukuuN hai to bhuulne me.n hai
lekin us shaKhs ko bhulaaye kaun

aaj phir dil hai kuchh udaas udaas
dekhiye aaj yaad aaye kaun

Zehar mei lazzat bhi bohat hai….

aaftaab — Mon, 16 Jul 2007 07:54:19 +0000

Shikwe bhi hazaron hain shikayat bhi bohat hai
Is dil ko magar us se mohabat bhi bohat hai.
Aa jata hai milne wo tasawwur mein sar-e-sham
Ek shakhs ki itni si inaayat bhi bohat hai. .
Ye bhi hai tamanna use dil se bhula dain
Is dil ko magar us ki zarurat bhi bohat hai. .
Dekhein tou zara pee k ye zehr-e-mohabat
Sunte hain k is zehr mein lazzat bhi bohat hai. . . . . .

Ro Ro kar uski yaad mei sona acha lagta hai….

aaftaab — Fri, 15 Jun 2007 08:56:32 +0000

Us ke bina ab chup chap sa rehna acha lagta hai,
Khamoshi sey dard ko sehna acha lagta hai,
Jis hasti ki yaad mein Aanso barstey hain,
Samne us ke kuch naa kehna acha lagta hai,
Mil kar us se Bichar naa jaaon darta rehta hon,
is liye bas door hi rehna acha lagta hai,
janta hoon ke chahat mein bas Aanso milte hain,
Kuch bhi ho ab is zehar ko peena acha lagta hai,
Je chahey sab khushiyan laa kar uss ko de doon,
us ke pyaar mein sab kuch khona acha lagta hai,
us ka milna naa milna Qismat ki baat hai,
Pal Pal us ki yaad mein rona acha lagta hai,
us ke bina sab khushiyan Ajab si lagti hain,
Ro Ro kar us ki yaad mein sona acha lagta hai

Gunehgaar…..

aaftaab — Thu, 17 May 2007 12:23:41 +0000

Mana Teri Nazar MeiN Tera Pyar Hum Nahi ..!!
Kaise KaheN Ki Tere Talabgaar Hum Nahi ..!!
Khud Ko Jala Ke Khak Kar Dala ..!! Mita Diya ..!!
Lo Aab Tumhari Raah MeiN Dewaar Hum Nahi ..!!
Jis Ko Sanwara Humne TamannaOn Ke KhOOn Se ..!!
GulshaN MeiN Us Bahar Ke Haqdaar Hum Nahi ..!!
DhOkha Diya Hai Khud Ko Mohabbat Ke Naam Se ..!!
Kaise KaheN Ke Tere Gunehgaar Hum Nahi ..!!

Rafta Rafta

aaftaab — Tue, 25 Jul 2006 10:54:01 +0000

raftaa raftaa vo merii hastii kaa saamaa ho gaye
pahale jaan phir jaan-e-jaa.N phir jaan-e-jaanaa ho gaye

din-ba-din badane lagii us husn kii raanaa_iiyaa
pahale gul phir gul-badan phir gul-badaamaa ho gaye

aap to nazadiik se nazadiik-tar aate gaye
pahale dil phir dil-ruba phir dil ke mehamaa ho gaye